ba
Yei
[jhyuk]Ati̱kut
[jhyuk]ba
- A̱nyiung mami a̱yaati̱kut a̱taa a̱lyem Tyap ba (á̱ghyang ba bibya yet ka, wu, hu, ji ma̱ng na). Á̱ ka nnyia̱ ta̱m ma̱ng swang a̱lyiat jini ka̱nang swang a̱lyiat a̱lyoot ji lan a̱nyiung nang á̱tyok, a̱nyiuk, á̱niet, a̱yaakusuru, a̱fufwuo, ba̱ng si̱ nat. Á̱ ntyei nggu a̱zaghyi swang a̱lyiat ku kham a̱lyiat ji̱ yet a̱lyoot ja ka̱nang á̱ cat tak kyang ma̱ng shim a̱cucuk tazwa swang a̱lyiat a̱ja. A̱kwonu a̱lyoot nggu kikya yet ba̱, mba, a̱mba, á̱si̱ mba, ma̱ng á̱pyia̱ mba.
- A̱nyiuk ba shyia̱ di̱ weang kyayak a̱ta̱usa.
- Ka̱ a lyiat ma̱ng á̱niet ba shonshyon, ba̱ na nang ang a̱fufwuo.
- Shan nat a̱ bai ma̱ng a̱yaatoot ba.
Bwoi mi̱ bwoi
[jhyuk]Bwan di̱ lilyem ghyáng
[jhyuk]A̱lyoot
[jhyuk]ba hu (á̱kpa *)
- Ba yet ta̱m beak kyang hwa. Ku bye yet a̱yin ku nyam ku a̱shyim a̱tyin a̱kwon ku sa a̱kwon ku kyang sang swuan, ku kyang ghyang.
- Ba hu na tyia̱ bah.
- N di a ngyei ba hu hwa byian a̱ngga wu.
Bwan di̱ lilyem ghyáng
[jhyuk]Ta̱m
[jhyuk]ba (a̱ka̱nyiung beak)
ba, ka̱n ba, ku ba, za̱ ba, ba̱ ba, bye ba, wu ba, na ba, mba
- Ba fa ka̱nang á̱ beak bibeak kyang di̱ ku si̱ swak a̱ka̱nyiung a̱ni. Ku si̱ bye fa, ka̱nang á̱ beak nkyang ma̱ a̱di̱di̱t da̱ a̱ka̱nyiung a̱ni.
- Jesi wa ba a̱zaghyi a̱nietkhwop-a̱niet a̱wa a?
- N di nggu nang gu ba a̱bashan tswam ka a̱tsotson.
- Nyi yok ba tityin a̱ka̱kwon hu bah, ku na but.
Bwan di̱ lilyem ghyáng
[jhyuk]A̱ya̱fang
[jhyuk]
Si̱sa:
- Swáng a̱lyiat nTyap
- Swáng a̱lyiat nTyap ma̱ng yei Za̱FBS
- Swáng a̱lyiat nTyap ma̱ng yei a̱nwuat
- Nwuai ma̱ng a̱yaakuzut bwan
- Swáng a̱lyiat ma̱ng bwan Dot
- Swáng a̱lyiat ma̱ng bwan Fi̱ransa
- Swáng a̱lyiat ma̱ng bwan Jaman
- Swáng a̱lyiat ma̱ng bwan Kpat
- Swáng a̱lyiat ma̱ng bwan Shong
- Swáng a̱lyiat ma̱ng bwan Si̱pen
- Tyap ma̱ng a̱ka̱fwuop mparamita alt na̱ jhyam a̱ni
- Tyap Wikimedians Zaria Outreach
- ta̱m
- a̱lyoot