a̱concong

Tyap‎

Za̱FBS^(yaya): /ə̀t͡ʃɔ̀nt͡ʃɔ́ŋ/
- A̱nwuat: (file)
- Tyei a̱kum-a̱bwong: a̱‧con‧cong (a̱ka̱tyong 3)

a̱concong wu (á̱kpa a̱yaaconcong ba)

A̱concong wu bye fa:

Li ghyang ku yet mi̱ ce a̱sa̱khwot a̱natat a̱ni, ku ni̱ ghwut mi̱ kyai-tswazwa hu ma̱ a̱ni̱nian ba. A̱sa̱khwot ce a̱natat a̱concong ninia yet a̱shong, a̱lyemu, bagina, a̱lyilyim, bula, a̱meti̱t, ma̱ng a̱guruma.
- A̱concong wuni yong mi̱ kyai-tswazwa hwa ke ku a̱fa̱ng kya la!?
- Gba̱t a̱ghyi ang ba tswazwa a̱ ndi a̱concong wunia̱u mi̱ fam a̱za kyai-tswazwa hu.
- Za jini na va a̱fwun bah; a li a̱concong wu ghwut mi̱ kyai-tswazwa hu baa?
Tangka̱i a̱mat a̱sa̱khwot ku byia̱ a̱pyia̱ ma̱ng vam a̱nap, a̱wot fam a̱tak vam nggu hu neet mi̱ dyang nggu ji kyiak si̱ tat a̱tai-ntak wu si̱ yet si̱ a̱fa̱n kya. Mi̱ tashikum A̱tyap ji, á̱ nwuak a̱cucuk nyia̱ a̱concong wu yet a̱sham ba̱t a̱wot a̱ si̱ byia̱ cet nyian nkyang a̱ga̱de ma̱ng a̱ri̱bi̱di meang.
- Fi̱ng-nggwoneam a̱hwa yet a̱sham ba̱t nang a̱concong a̱ni; ka̱ doot a bwuo nhu a?
- Bobai nyia̱ a̱ ku mak li a̱concong a̱ swan da̱ a̱byiek ncen ka, di̱n jen ji nang á̱ tsa nok nka a̱ni.
- Á̱ghyang á̱niet nyia̱ a̱concong yet mi̱ tashikum ja ma̱nyin. Nyia̱ a̱ bu nshyia̱ a̱zafwun bah.

Tangka̱i li ku ghwut mi̱ kyai-tswazwa hu ku byia̱ li vwuon a̱sa̱khwot ce a̱natat a̱ni

A̱mat a̱sa̱khwot

Wukipedia nTyap byia̱ ati̱kut tazwa:

a̱concong

Wukipedia ^kcg