Swánga̱lyiatwuki:A̱gban swáng-a̱lyiat ghwughwu
| A̱gban swáng-a̱lyiat ghwughwu | ||||||||
|---|---|---|---|---|---|---|---|---|
| ||||||||
| ||||||||
|
Kpaat kuntyindeita nnwuo la̱kzi̱t nang á̱ maai nwuan a̱ni na̱ byia̱ a̱mgba̱m swáng-a̱lyiat ma̱ng á̱lyiat nang á̱ nyian ta̱m ma̱ng á̱na ma̱ tai a̱ni, mami a̱mgba̱m lilyem. Ta hwa á̱nietbishyi ma̱ng nkompyuta ba̱ maai fang kuntyindeita huni, da̱nian nkyangmyiam (ku a̱yaapi̱likeshyon myiam) lilyem maai na̱ nyia̱ ta̱m ma̱ng á̱na, nang a̱yaaflashcard ma̱ng á̱ghyang.
Á̱ mbyia̱ swáng-a̱lyiat ma̱ a̱di̱di̱t nang á̱ si̱ mi̱n wa̱i di̱n vak wa̱i a̱lyiat ku bwan a̱lyem ma̱nyin bah. Mameang, ka̱nang á̱ tyai nji si̱sak nang á̱ghyi ba maai nwuan a̱ni, ku ni̱ mban fi̱k ji. A̱gban Swáng-a̱lyiat Ghwughwu wu na yet a̱vwuo jhyam kya mat mba ba̱ byia̱ di̱dang myiam a̱lyem "di̱ mi̱n bwan". Myiam a̱lyem di̱ mi̱n bwan ni̱ yet kyang weam a̱lahyia̱ ku kwan ma̱ng a̱pyia̱ nhu hwa a̱ni mmam nani, da̱nian á̱ nwai byia̱ a̱tsatsak vak nang a̱tyumyiam a̱fai maai kai gu cat kyang hu nang swang-a̱lyiat swai fa a̱ni di̱ mi̱n ta̱yuk da̱ a̱gban swáng-a̱lyiat lilyem nfeang a̱ni. Zi̱ wa ka̱n byia̱ a̱gba̱ndang a̱gban nghwughwu mi̱ Wukimedia Komon nang á̱ maai a̱ mun ma̱ng ta̱m huni si̱sak nang a̱ngga wu na nyia̱ ta̱m di̱n kap di̱ mi̱n a̱yin a̱ni. Á̱ na si̱ mmaai nyia̱ tyia̱ ta̱m huni di̱n ta̱m á̱ mbeang nghwughwu na̱ nwai nshyia̱ a̱ni ma̱ a̱yaati̱kut Wukipedia a̱wot á̱ ka tyai a̱tsak nnwuo Swánga̱lyiatwuki wu kpa̱sai.
1 - Ghwut ma̱ng lyulyoot á̱pyia̱-a̱lyiat si̱ nnwuo swáng-a̱lyiat. Si̱ huni na lan ka̱nang á̱ nyia̱ nhu ma̱ng lyulyoot sa Swánga̱lyiatwuki hu hwa, a̱wot ka̱ si̱ a̱hwa na tyia̱ bah, ku myim a̱ mban nhu ca̱caat ma̱ng nkuntyin nghyáng, nang a̱tsak si̱sa Wukipedia, Wordnet, ma̱ng nta̱m njhyáng.
2 - Khai nnwuo na̱ byia̱ a̱meang a̱ni di̱n vak mzop jen nzop nna. Á̱ maai nyia̱ si̱ huni ma̱ng frequency list hu, zop ma̱ng corpus, ku zop a̱cyeta̱taneang ka.
3 - Cat nghwughwu a̱kwonu nghyáng neet mi̱ Wukimedia Komon, kpa̱t ka̱nang ku yet ta hwa. Mat cat a̱cucuk taada, ku na myim ghwughwu hu ku neet da̱ a̱vwuo ka nang á̱ lyiat a̱lyem a̱kya kya ba̱T, Ka̱nang si̱ a̱hwa nshyia̱. A̱wot á̱ si̱ mbeang nghwughwu na nwai nshyia̱ a̱ni neet di̱ lyulyoot ghwughwu nShong hu ba̱ng si̱ nat jen ji nang á̱ na si̱ nshyia̱ a̱ghyang a̱ni á̱ shai.
Mmam na na̱ ku swak a̱ni, n ku khwut nta̱mpi̱let nang á̱ maai a̱ tyia̱ di̱n ta̱m á̱ nok A̱gban swáng-a̱lyiat Ghwughwu di̱n nvak nnaai nvwuon.
Nta̱mpi̱let ninia yet
Nvak nnaai nvwuon nang á̱ maai á̱ tyia̱ Template:picdic di̱n ta̱m ninia yet: kídee Si̱tem Mam ma̱ng a̱ka̱fwuop nang á̱ maai mak a̱ni. Nwuan Template:picdic#Examples meang a li mat kídee jini ma̱ng coding meang.
|
A̱gban swáng-a̱lyiat ma̱ng nghwughwu nang á̱ maai nyap a̱ni |
A̱gban swáng-a̱lyiat ma̱ng a̱gwaknvak mbeang wikilinks |
A̱gban swáng-a̱lyiat ma̱ng ta̱si̱la ghwughwu |
A̱gban swáng-a̱lyiat ma̱ng lebet | |||||||||||||||||||||||||||||||||||||||||||||||
|
|
|
| |||||||||||||||||||||||||||||||||||||||||||||||
